//Healthy Living ke 7 Healthy Habits
Jumping Girl

Healthy Living ke 7 Healthy Habits

Iss millennium ka 18th year khatm hone waala hai aur adhiktar log jaante hai ki apne daily habits mein thode se modifications karne se woh ek healthy life jee sakte hai. Kuch log iss knowledge ka faayda bhi utha rahe hai, lekin adhiktar aaj bhi kal ke bharose baithe hai. Well, aaj ke date mein health problems badh rahe hai aur sabhi ko ek lamba, khush aur healthy life jeena hai. Lekin, hum success aur aaj ke trend ko follow karne ke chakkar mein khud ka dhyan rakhna bhul jaate hai aur shortcuts lena start kar dete hai. Iin tricks se sirf aapke health pe negative effect hi nahi hota; lekin, drastic mental aur economic effects bhi dekhe jaate hai.

Ye sach hai ki hum apna age, gender aur genes ko control nahi kar sakte, lekin hum bahut saare doosre factors ko control kar sakte hai. Ye humaare health ke liye bahut beneficial ho sakta hai.

Let’s discuss 7 aise habits jise control kar ke healthy life jiya ja sakta hai.

Exercise

Running Man

Aaj ke date mein commonly doctors apne patient ko exercise recommend karte hai. Exercise bahut saare health condition ko prevent aur treat karne ke liye jaana jaata hai. Bahut saare researches ne prove kiya hai ki regular exercise karne se long-term mein bimaariyan hone ka risk kam ho jaata hai.

Walking is man’s best medicine- Hippocrates

Exercise cardiovascular diseases jaise ki hypertension (high b.p.) aur coronary heart disease ko prevent karta hai. Iisi tarah ye type 2 diabetes, obesity, dyslipidemia, rheumatoid arthritis, fibromyalgia, osteoporosis, depression aur kuch cancers ka risk bhi kam kar deta hai. Regular jogging, walking, stretching, strengthening exercises, sports, cycling, swimming aur even stair-climbing bhi bahut effective hai good health ke liye.

Regular Paani Peete rehna chahiye

Body ko hydrated rakhne ke liye paani peena bahut essential hai. Ye aapko alert rakhne ke saath hi aapke energy levels ko bhi boost karta hai. Regular paani peene se aapka focus, concentration aur thinking abilities badhta hai. Iisi ke saath, paani aapke body se toxin nikalta hai, bhookh ko kam karta hai, metabolism badhata hai aur, aapke skin ko fresh, glowing aur smooth rakhta hai. Ye ek bahut achha anti-aging option hai aur digestion ke liye bhi important hai.

Food- Aapka Perfect Frenemy

Kabhi bhi aap apna breakfast skip na karein. Adhiktar doctors breakfast ko din ka sabse essential meal maante hai. Correct nutrition waala breakfast aapke cognitive performance, obesity, hypertension (high b.p.) aur type 2 diabetes ko improve kata hai. Good breakfast karne se aap din mein humesha mentally alert rehte hai. Breakfast skip karna jyada alcohol consumption, smoking, sedentary lifestyle, mood changes, chronic stress aur depression se bhi linked hai.

Salad

Fiber-rich diet khaana aapke health ke liye bahut beneficial hota hai. Ye type 2 diabetes, coronary heart disease, stroke, hypertension, obesity, gastrointestinal diseases aur colon cancer ke risk ko kam karta hai. Generally, fiber aapko natural sources se mil sakta hai lekin, ab market mein fiber supplements bhi maujood hai. Doctors iin supplements ko lene se mana karte hai, kyuni diet se fibers obtain karne se aapko micronutrients aur bioactive compounds bhi milte hai.

Fiber ke good sources mein strawberries, avocado, apple, banana, coconut aur vegetables jaise ki broccoli, Brussels sprouts, kale aur spinach aate hai. Kidney beans, chickpeas, quinoa, oats, whole grains, almonds, walnuts, pistachios, sunflower seeds aur pumpkin seeds se bhi fiber aapko milta hai.

Iisi ke ulat, aapko sugar kam consume karna chahiye. Sugar consumption se bahut saare health problems ho sakte hai jis mein obesity, cardiometabolic disease aur diabetes bahut common hai.

Sleeping

Good health ke liye insaan ko kam se kam har raat 7 se 8 ghante sona chahiye. Ye aapke memory, mood aur physical performance ko improve karta hai. Iisi ke viparit, lagataar kam sone se hypertension, weight gain, irregular heartbeat aur immune system ka kamzor hona dekha gaya hai. Iiske saath-saath din mein neend aana, irritation, impatience, fatigue (thakaan) aur concentration problem bhi bahut common hai.

Stress

Aaj kal, stress bahut common ho gaya hai aur iss se bahut saare health problems bhi ho rahe hai. Lambe samay tak stress se aapka immune system kamzor ho sakta hai, jis se aapko aasani se viral illness aur doosre infections ho sakte hai. Body pain, hypertension, heart attack, stroke, type 2 diabetes aur digestion problems bhi ho sakta hai. Stress aapke testosterone production aur sperm production ko bhi affect karta hai. Auraton mein ye menstrual cycle ko affect karta hai jis se irregular, heavier or painful periods ho sakte hai.

Yoga

Regular exercise, yoga, soft music, deep breathing, meditation, zyada sona aur jaldi uthne se aap stress ko easily manage kar sakte hai.

Detail mein stress ke baare mein jaanne ke liye neeche diye gaye link pe click karein.

Stress: Ek Serious Problem

Alcohol

Zyada ya regular sharaab peene se bahut saare health conditions ho sakte hai jaise ki fatty liver, alcoholic hepatitis (liver ka sujna), fibrosis aur cirrhosis (liver tissue ka barbaad hona). Iss se irregular ya rapid heartbeat, stroke aur hypertension bhi ho sakta hai. Iisi ke saath-saath, pancreas mein sujan (pancreatitis), immune system ka kamjor hona aur kuch cancers hone ka risk bhi badh jaata hai.

Haalanki, bahut log low-drinking ko safe option maante hai, lekin kuch logo ke liye ya kuch cases jaise ki pregnancy mein bahut harmful hai. Aurat ke liye ek din mein maximum 3 standard drink aur aadmiyon ke liye ek din mein 4 standard drink ko low-risk drinking kaha jaata hai.

Alcohol se related details jaanne ke liye neeche diye gaye link pe click karein.

Ab Sharaab ko Samajhna hua Asaan

Quit Smoking

Hazaar se bhi zyada chemical hone ke kaaran akele cigarette se bahut saare diseases ho sakte hai including cancers. Centers for Diseases Control and Prevention (CDC) ke according smoking se har saal HIV, drugs, alcohol, road accidents aur fire ke comparison mein jyada deaths hote hai.

Burning cigarette, coins and skull

Smoking aapke body ke lag-bhag har organ ko affect karta hai. Iss se coronary heart disease, stroke, hypertension, rapid heartbeat, emphysema, chronic bronchitis aur COPD hone ka high risk hota hai. Lungs, bladder, blood, cervix, colorectal, esophagus, larynx, pancreas, trachea aur doosre cancers ke hone ka chance bhi badh jaata hai.

Smoking se pregnancy complications jaise ki preterm (samay se pehle) delivery, low birth weight aur ectopic pregnancy ho sakta hai. Ye aadmiyon ke sperm production ko affect kar sakta hai aur auraton mein miscarriage ka risk badha deta hai. Cigarette smoking se cataract, arthritis, type 2 diabetes aur immune function kamzor ho sakta hai.

Bottom Line

Well, sab jaante hai ki apni kuch habits ko change karne se health mein bahut bada difference dekha ja sakta hai. Ab, choice aapka hai, kyunki healthy living koi difficult ya imposible cheez nahi hai; ye sirf aapke decision aur determination pe depend karta hai. Aap sab ke liye pehle apne sofa aur bed ko uthna bahut important hai, phir aapko kuch toh start karna chahiye, kyunki sirf walking bhi aage jaa kar bahut bada difference create kar sakta hai.

For Further Reading

Healthy Habits: 7 Things I Wish I’d known Earlier (in English)

Stress: Ek Serious Problem

Kyun Obesity ko Janna Aapke liye Important hai

Stroke: Brain ka Attack