//Meri Soch Meri Raah | Ch: 3 Reality
Buddha

Meri Soch Meri Raah | Ch: 3 Reality

All that we are is the result of what we have thought. The mind is everything. What we think we become– Lord Buddha.

Basically, iska matlub hai ki “hum aaj jo bhi hai woh hum apne thoughts ke kaaran hai. Mind sab kuch hai. Hum jo sochte hai wahi bante hai”.

Har ek insaan apne life ka creator khud hai. Uske pass aaj jo bhi hai; woh aaj jaisa bhi hai; woh sirf aur sirf khud ke decision aur thoughts ke kaaran hai. Uska iss universe pe utna hi hak hai jitna kisi aur ka aur ye universe uski har ek sochi hui cheez ko poora karne ke liye hai jo woh chaahta hai ya maan leta hai.

Important Question

Toh kya har woh insaan successful hoga ya khush rahega jo attraction ke rules ko jaanta hai, samjhta hai aur apne emotions ko control kar sakta hai? Probably, not. Iiske aage bhi bahut kuch hai jo hum sabko jaanna aur samjhna hoga.

Iin sab mein, sabse important hai constructive process jisme faith bahut essential role play karta hai. Ye ek aisa process hai jis se aap har ek cheez ko haasil kar sakte hai jo aap sochte hai. Iisme aapko sochne ke saath khud pe vishwas (faith) ya bharosa rakhna hota hai aur phir visualize karna hota hai ki aap already apni sochi hui cheez ko haasil kar chuke hai.

FaithYahi faith aapke soche hue cheez ko aapke situation aur life ke events se jodne mein aapki help karta hai. Jab iin sabki frequencies same level pe aa jaati hai tab universe se ye aapke life pe reflect back hone lagti hai. Ye aapke thoughts se connected positive events ko aapke life mein initiate karta hai. Aur ajeeb baat toh ye hai ki ye sab bahut jaldi hone lagta hai aur aapko pata bhi nahi chalta.

Aap agar apne dreams ko lekar clear aur focused hai toh Aladdin ke chiraag ki kahaani ki tarah hi universe aapke dreams ko poora karne mein bahut important role play karta hai. Iisi ke ulat, agar aap apne dreams ko lekar unclear ya confused hai toh, waisehi, universe bhi confused frequencies waale thoughts ko aap pe reflect back karega.

Alag-alag concept ya naam se hi sahi, lekin, har religion aur traditions ne bhi accept kiya hai ki kuch toh aisa hai jo bahut bada hai aur woh humesha humaare achhe ke liye kaam karta hai. Jaise aap apne bhagwaan mein faith rakhte hai, waisehi, aapko apne soch aur dreams mein faith ya bharosa rakhna padta hai ki woh cheez aapko mil rahi hai aur phir ussi cheez ko visualize karna bhi jaroori hai.

Jaahir si baat hai ki har insaan wahi dream karta hai jis se usse khushi milta ho ya achha feel ho jo automatically uske current emotion ko happiness mein badal sakta hai. Jaise hi thoughts aur emotions ke frequencies match hone lagte hai uus insaan ke life mein uska dream poora hone lagta hai. Iiska simple matlub hai ki kisi bhi insaan ki har sochi hui cheez agar uske vishwas ya bharosa mein badal jaaye ki woh usse mil gaya hai toh trust me woh insaan uus cheez ko kaise bhi haasil kar lega.

Real Life Experience

Aaj se lag-bhag 20 saal pehle mein aur mera dost ek late night movie dekh kar ghar jaa rahe thhe. Late hone aur phir public transport ke unavailability ke kaaran ab hum dono ko ghar tak ke 3km ka distance ab walk karke poora karna tha. Achaanak mere dost ne dil se kaha ki kaash koi hum dono ko lift de jo ki delhi mein bahut uncommon tha. Theek kuch hi time ke baad ek insaan ne apni car ko humaare aage roka aur poocha ki ‘kya tum dono ko lift chahiye?’ Hum bahut khush hokar uski car mein baith gaye. Mujhe aaj bhi yaad hai ki ghar pahuch kar maine apne dost se poocha ki kya coincidence tha, nahi?

Night Vehicles

Aise situations mere life mein kai baar ho chuke hai jo humesha mere liye bahut hi surprising hota tha aur I am sure ki aap sabke saath bhi definitely kabhi na kabhi aisa kuch hua hoga. Aaj aur uus time mein sirf itna hi difference hai ki tab mujhe universe ke rules ka knowledge nahi tha aur mein uus time iin sab cheezo ko ek coincidence samajhta raha.

Ab iin rules ko samjhne ke baad mein poore viswaas ke saath bol sakta hun ki uus din mere dost ne poori tarah se prem ya krodh ke emotion mein reh kar utsah aur aatmvishwas ke saath jo maanga aur socha tha, woh jaane anjaane mein usse mil gayi thhi.

Back to the Basics

Aap iis rule ko chhoti cheezon ke saath start karke ek constructive process mein aa sakte hai. Agar iin saare rules ko samajh liya jaaye toh Aladdin ke chiraage ki tarah hi ye universe aapke dreams ko poora karne mein aapki help karega.  Humankind ke history mein koi bhi discovery ya invention thought se hi start hui thhi aur uss thought se ek path bana aur phir wahi path ek dream ko reality mein badal diya.

Simple Raasta

Iis universe mein maujood har ek cheez kisi insaan ka wish hai aur hum sabko iis baat ka respect karna chahiye. For e.g. Agar aap apne phone se khush nahi hai aur naya phone lena chaahte hai toh aapko apne poorane phone ke liye thankful hona hoga. Agar aap apne pass maujood cheezon ke baare mein thankful nahi hai ya negative emotion rakhte hai jaise ki jealousy, dissatisfaction ya unhappiness toh woh cheez ko haasil karne mein problems aati hai.

Agar aap apne pass ki saari cheezon ke liye thankful ya grateful hai jaise ki aapki health, wealth ya property toh aapke mann mein ek endless thought develop hoga. Ye aapke khush rehne ke saath hi aage aur bhi successful hone mein help karega. Agar aap apni present situation ke liye grateful hai toh aage jaake aapki saari sochi hui dreams jaroor poore honge.

Kya Karein?

Aap apne din ki shuruaat hi iis rule ko follow kar ke kar sakte hai. Aap apne poore din ka routine apne dimaag mein schedule kar sakte hai. Iiske saath-saath har woh cheez jo abhi aapke pass hai uus ke liye aapko grateful hona hoga. Aap khud ko aur har uus insaan ko thank you bol sakte hai jo aapse kahin na kahin connected hai. Ye sab karke aap unconsciously aapke din ke saare events ko ek form de dete hai. Aap khud ke saath-saath apne surroundings ko positive frequencies se gher lenge jis se baad mein aane waale saare situations ko aap bade hi ache tareeke se control kar paayenge.

old carAapko apne food se lekar rehne tak ki bhi cheezon ke liye thankful hona hoga. Jaise ki aapke pass car, ghar ya koi bhi aur cheez hai lekin aap uss se satisfied nahi hai aur aapko woh naya chahiye toh pehle aapko apne poorane cheezon ke liye respect rakhna aur grateful hona seekhna hoga. Kyunki, unlike many, aapke pass atleast ye saari cheezein toh hai. Iiske baad aap apne goal yaani koi new car, ghar ya kisi bhi cheez ko visualize kar apna aim set kar sakte hai. Khud pe bharosa rakhne ke saath hi aapko ye visualise karna hoga ki aap uus cheez ko haasil kar chuke hai. Aisa aap apne har uus cheez ke saath kar sakte hai jise aap badalna ya paana chaahte hai. Trust me, bahut jaldi hi woh sab aapko milega.

Ab iss chapter ko summarize karein toh hum ye keh sakte hai ki humaare wish ki hui har ek cheez ko hum iis vichaaron se create hue universe mein haasil kar sakte hai. Iin cheezon ko paane ka ek tareeka hai aur woh aapke andar ki vishwas, cheezo ke prati aapke visualize karne ka meditation power aur doosre cheez ke prati gratefulness pe depend karta hai. Yakinan iis brahmaand se kuch bhi haasil karna aur kuch bhi banne ka possibility countless hai theek Buddha ki ussi line ki tarah- All that we are is the result of what we have thought. The mind is everything. What we think we become.

Iis chapter ko English mein padhne ke liye neeche diye gaye link pe click karein.

Ch: 3  The Reality

 

Previous chapter ko padhne ke liye neeche diye gaye link pe click karein.

Ch: 2  Humaari Emotions aur Huaari Zindagi