//8 Secrets jo har Sales Manager ko Jaanana Jaroori hai
High sales

8 Secrets jo har Sales Manager ko Jaanana Jaroori hai

Aaj ki date mein bahut logo ke liye sales ek challenging job hai. Ye kai hadd tak sach bhi hai. Agar apna goal aur motive clear na ho ya phir team work mein kami ho toh targets poora karna bahut mushkil ho jaata hai. Iis article mein hum iisi challenge ko discuss karenge.

Kisi bhi company, organization ya even ek shop ki growth ke liye sales bahut important hai aur sales ke liye sales aur marketing team. Iis team ko naye client banane hote hai, bahut saare logo se milna hota hai  aur apne product ya service ka sale increase karna hota hai. Inhi reasons se unhe apne organization ya company ke kisi doosre teams ke comparision mein kam responses aur kam positive reviews milte hai.

Aise cases mein sales team ka motivation high rakhna bahut jaroori ho jaata hai aur ye kaam sales manager ka hota hai. Har sales manager ke saamne ek common question humesha hota hai ki woh kaise apne team ko humesha motivated rakhe? Jis se unke team ka poora focus apne goal pe rahe.

  • Joint Meeting

Apni sales team ko motivate rakhne ke liye har week aur har month joint meeting jaroor karein. Iis meeting mein aapki poori team maujood honi chaahiye chahe woh senior ho ya junior.

Kai baar senior joint meeting karte hai but agar kuch time mein positive result nahi aaya toh meeting karna band kar dete hai ya phir postpone kar dete, lekin aapko humesha yaad rakhna chahiye ki aapke team ka motivation aap hai. Meeting apne team ko motivate karne ka ek effective tareeka hai isliye meeting jaroor karein. Meeting ke liye pehle se planning karna bahut jaroori hai.

  • Be Excited

team meeting

Poore meeting mein start se end tak aapke andar excitement hona chahiye. Jis tarah hum koi emotional movie dekh kar emotional ho jaate hai ya action movie dekh kar energetic feel karte hai ussi tarah aapki team aapko excited dekh kar khud excited ho jaayegi. Issi liye always be excited.

  • Positive Talk

Meeting ke dauraan positive rehna aur apne team se positive baatein karna bahut jaroori hai. Kai baar meeting mein kuch sawaalon ki wajah se ya kisi team member ki bad performance ki wajah se hum gussa ho jaate hai ya phir rude ho jaate hai lekin uus time hume khud par control rakhna chahiye. Humesha yaad rakhein ki aapki negativity aapke poore team ko demotivate kar sakti hai jiska effect aapke team ke performance pe ho sakta hai. Always try to be positive!

  • Appreciate the Top Performers

Team ko motivate karne mein ye step bahut kaam aata hai. Meeting mein apni team ke unn logo ko appreciate karna na bhule jo sabse achha perform kar rahein hai. Iss se new salesman ko motivation milta hai aur woh apne work par focus karne lagta hai taaki aage chal kar usse bhi appreciation mile. Iss se poorane salesman mein bhi ek positive pressure aata hai taaki woh aage aur bhi achha perform kare.

  • Show your Result

Agar aap apne team ke saath perform karte hai toh apna result jaroor show karein. Sabko bataayein ki aap bhi unki team ka ek important part hai aur aap bhi perform kar rahe hai. Iss se aapke team members mein extra motivation aa jaayega kyunki woh jaan jaayenge ki unka senior bhi wahi kam kar raha hai jo woh kar rahein hai. Agar kabhi kisi ka genuine problem ho toh usse akele mein jaroor solve karein.

Note: Result aap tabhi show karein jab aapka result team ke 70% salesman se jyada ho nahi toh yeh negative effect daalega.

  • Make a Joint Goal

teamwork

Ye sach hai ki team ke har member ka apna ek goal hota hai lekin meeting mein aap apne poore team ka ek joint goal discuss karein. Iss se sabhi team member mein team work ki bhaavna paida hoti hai aur ek doosre ki taang kheechne ki jagah woh ek doosre ke saath kaam karne lagte hai kyunki joint goal poore team ka hota hai.

Kehte hai na ki “jo ek poori team milkar kar sakti hai woh koi akela rehkar nahi kar sakta” toh yeh theory sales ke liye bhi equally important hai.

  • Throw Competition

Apni team ka sales boost karne ke liye aap koi competition bhi throw kar sakte hai jise achieve karne ke liye aapke team ke sabhi log poora effort lagaayenge aur unka focus bhi competition mein achha karne pe hoga. Iis se aapki sales mein improvement hota hai. Aap apna focus iss baat par rakhein ki kaise bhi aapki team members ke andar kuch achieve karne ka desire paida kiya jaaye.

  • Your Support

Team meeting mein apne team ko bharosa dilaayein ki unke superior aap hai aur unki poori responsibility aapki hai. Aapko apne har team member ko yakin dilaana hoga ki aap usse uske goal tak pahuchaane mein uski har possible help karenge. Iss se poori team aap pe believe karne lagegi aur aapke saath success ki raah par nikal padegi.

Note: Humesha iis baat ka dhyaan rakhein ki aapki madad jarurat se zyada na ho nahi toh aapki team aap pe dependent ho jaayegi jo future mein bahut dangerous hoga.

Agar aapko ye article achha laga toh apne friends ke saath jaroor share karein aur apne doubts ko comment section mein likhna na bhoole.

For Further Reading

8 Secrets every Sales Manager should know (in English)

Sales Generate karne ke 10 Useful Tips